Informacion

Kërkesat dhe paraqitja e dokumentacionit në QKB mund të kryhen nëpërmjet: Sportelit elektronik të QKB-së, në përputhje me parashikimet e kreut V, të këtij ligji.

Rregulla të përbashkëta për kërkesën për licencë/leje

• Kërkesa për licencë/autorizim/leje apo nënkategori të tyre paraqitet në QKB, sipas procedurave të caktuara.
• Kërkesa përbëhet nga formulari tip i plotësuar dhe dokumentet shoqëruese përkatëse.
• Formulari tip përmban, të paktën, këto të dhëna:
  • emërtimin e kategorisë /nënkategorisë;
  • llojin e veprimtarisë, veprimit apo të së mirës publike e të përdorimit të saj;
  • të dhënat për identifikimin e kërkuesit dhe të personit që paraqet kërkesën;
  • vendin apo vendet e ushtrimit të veprimtarisë, të kryerjes së veprimit apo përdorimit të së 10 mirës;
  • të dhëna të tjera specifike, sipas kategorisë /nënkategorisë;
  • deklaratën e kërkuesit, që vërteton se i njeh kriteret e licencimit/autorizimit/lejimit dhe i përmbush ato (për kriteret, përmbushja e të cilave vetëdeklarohet);
  • deklaratën për vërtetësinë e dokumenteve shoqëruese dhe/ose që i njeh dhe/ose i pranon detyrimet e licencimit/autorizimit/lejimit dhe do t'i përmbushë ato;
  • adresën për komunikim;
  • listën e dokumenteve shoqëruese që duhen paraqitur.
• QKB-ja nuk mund të kërkojë paraqitjen e dokumenteve apo dhënien e informacioneve të tjera, të paparashikuara në formular.
• Formulari i plotësuar dhe dokumentet shoqëruese, për çdo kërkesë të paraqitur, publikohen nga QKB-ja në regjistër, brenda ditës së nesërme të punës nga data e paraqitjes së kërkesës.

Veprimet pranë sportelit elektronik

• Çdo individ, pasi të jetë identifikuar elektronikisht, ka të drejtë që, në cilësinë e aplikantit apo të personit të autorizuar, të aplikojë pranë sportelit elektronik për pajisjen me një licencë/autorizim/leje apo veprim tjetër, sipas këtij ligji, përfshirë këtu procedurat e ankimit administrativ, dhe të marrë nga QKB-ja, nëpërmjet këtij sporteli, të gjitha aktet përkatëse të parashikuara nga ky ligj.
• Veprimet pranë sportelit elektronik të QKB-së, për të cilat ky ligj kërkon identifikimin elektronik, në përputhje me legjislacionin në fuqi për identifikimin elektronik të sigurt, kryhen nëpërmjet mjeteve elektronike që garantojnë autenticitetin e origjinës dhe pacenueshmërinë e përmbajtjes së dokumenteve në format elektronik, të paktën, nëpërmjet nënshkrimit elektronik të kualifikuar, sipas përcaktimeve të legjislacionit në fuqi për nënshkrimin elektronik.

Formularët për Licenca/Leje:

• Formulari i Aplikimit per shërbimin "Aplikim i ri"
• Formulari i Aplikimit per sherbimin 'Ankim'
• Formulari i Aplikimit per sherbimin 'Revokim Vullnetar'
• Formulari i Aplikimit per sherbimin 'Ndryshim'
• Formulari i Aplikimit per sherbimin 'Transferim te lejes minerare'
• Formulari i Aplikimit per sherbimin 'Transferim te lejes mjedisore'
• Formulari i Aplikimit per sherbimin 'Shtyrje Afati'