Regjistrim i ndryshimeve të Biznesit

Në zbatim të nenit nenin 26, të ligjit nr.9723 “Për Regjistrimin e Biznesit”, i ndryshuar,  personat përgjegjës për të kryer aplikimin për regjistrimet e tjera janë:

• Aplikimi për regjistrimet e tjera të personave fizikë, bëhet nga vetë personi apo nga çdo person i autorizuar prej tij.
• Aplikimi për regjistrimet e tjera të shoqërive të thjeshta, bëhet nga personat përgjegjës për përfaqësimin e shoqërisë në marrëdhënie me të tretët ose nga çdo person i autorizuar prej tyre.
• Aplikimi për regjistrimet e tjera të shoqërive tregtare bëhet nga personat përgjegjës për përfaqësimin e shoqërisë në marrëdhënie me të tretët ose çdo person i autorizuar prej tyre.
• Aplikimi për regjistrimin e veprimeve juridike, me të cilat lidhen pjesëmarrjet, kuotat apo aksionet mund të kryhet, gjithashtu, dhe nga anëtari, ortaku apo aksionari, të cilit ato i përkasin, ose nga çdo person i autorizuar prej tyre
• Aplikimi për regjistrimet e tjera të degëve dhe zyrave të përfaqësimit të shoqërive të huaja bëhet nga përfaqësuesi ligjor i degës apo zyrës së përfaqësimit, nga përfaqësuesi ligjor i shoqërisë së huaj apo nga çdo person i autorizuar nga njëri prej personave të përmendur më sipër.
• Aplikimi për regjistrimet e tjera të shoqërive dhe unioneve të kursim-kredive bëhet nga kryetari i bordit drejtues apo nga çdo person i autorizuar prej tij.
• Aplikimi për regjistrimet e tjera të shoqërive të ndihmës e bashkëpunimit të ndërsjellë bëhet nga kryetari i këshillit administrativ ose nga çdo person i autorizuar prej tij.

Në zbatim të nenit 27 të ligjit nr. 9723, datë 03.05.2007 “Për Regjistrimin e Biznesit, i ndryshuar:

• Regjistrimi kryhet me plotësimin e aplikimit përkatës, të cilit i bashkëngjiten dokumentet shoqëruese, që provojnë të dhënat që regjistrohen;
• Dokumentet shoqëruese, duhet të jenë hartuar sipas formaliteteve të përcaktuara nga legjislacioni përkatës apo nga dispozitat e këtij ligji;
• Dokumentet shoqëruese, dorëzohet në format elektronik;
• Dokumentet shoqëruese nuk duhet të përmbajnë korrigjime ose fshirje të pavërtetuara, sipas dispozitave përkatëse ligjore dhe përmbajtja e tyre duhet të duket qartë, të jetë e lexueshme dhe të lejojë marrjen e imazhit elektronik të dokumentit.
• Dokumentet shoqëruese duhet të jenë në gjuhën shqipe. Së bashku me dokumentin shoqërues në shqip, aplikanti mund të depozitojë edhe përkthimin e vërtetuar në gjuhë të huaj. Aktet private dhe dokumentet zyrtare të juridiksioneve të huaja duhet të shoqërohen me përkthimin e vërtetuar në gjuhën shqipe dhe të legalizohen sipas ligjeve në fuqi dhe marrëveshjeve ndërkombëtare të ratifikuara nga Republika e Shqipërisë.
• Në rast mospërputhjeje të dokumentit shoqërues në gjuhën shqipe me atë në gjuhë të huaj, ky i fundit,nuk mund t’u kundrejtohet palëve të treta. Gjithsesi, palët e treta mund t’i kundrejtojnë subjektit të dhënat e përmbajtura në dokumentin në gjuhë të huaj, përveç rastit kur subjekti provon se i treti kishte dijeni për përmbajtjen e dokumentit në gjuhën shqipe.

• Aplikim për ndryshim të personit fizik
• Aplikim për ndryshime në të dhënat e regjistrimit për shoqëritë me përgjegjësi të kufizuar (SHPK)
• Aplikim për ndryshim të regjistrimit të shoqërive aksionare (SH.A)
• Aplikim për ndryshim të degëve ose zyrave të përfaqësimit të shoqërive të huaja
• Aplikim për ndryshime në të dhënat e regjistrimit për shoqëri të bashkëpunimit reciprok
• Aplikim për ndryshime në të dhënat e regjistrimit për shoqëritë e bashkëpunimit bujqësor
• Aplikim për ndryshime në të dhënat e regjistrimit të shoqërive të kursim kreditit
• Aplikim për njoftim për pushimin e përkohshëm të aktivitetit
• Kërkesë për aktivizim aktiviteti
• Aplikim për thirrje të aksionarëve/ortakëve për miratimin e shndërrimit (shpallja 1)
• Aplikim për thirrje të aksionarëve-ortakëve për miratimin e shndërrimit (shpallja 2)
• Aplikim për Miratimin e Shndërrimit
• Aplikim për njoftimin e projekt bashkimit me përthithje nga një shoqëri ekzistuese (bashkim i thjeshtë)
• Aplikim për njoftimin e projekt bashkimit me përthithje me krijimin e një shoqërie të re
• Aplikim për Miratimin e Bashkimit me Përthithje.
• Aplikim për njoftimin e ndarjes (ndarje në favor të shoqërive të themeluara rishtazi) faza 1
• Aplikim për miratimin e ndarjes në favor të shoqërive të themeluara rishtazi
• Aplikim për ndarje të shoqërisë të kursim kreditit me krijim
• Aplikim për ndarje të shoqërisë kursim krediti me përthithje
• Aplikim për bashkimin me krijimin e një shoqërie të re kursim krediti
• Aplikim per shendrimin e unionit në shoqëri kursim krediti
• Aplikim nga shoqëria objekt për njoftimin e miratimit të bashkimit ndërkufitar me krijimin e shoqërisë së re
• Aplikim nga shoqëria objekt për njoftimin e miratimit të bashkimit ndërkufitar me përthithje
• Aplikim nga shoqëria objekt për publikimet e lidhura me bashkimin ndërkufitar me krijimin e shoqërisë së re
• Aplikim nga shoqëria objekt për publikimet e lidhura me bashkimin ndërkufitar me përthithje sipas Nenit 3(1)(a) të Ligjit Nr. 110/2012
• Aplikim nga shoqëria përthithëse për publikimet e lidhura me bashkimin ndërkufitar me përthithje Sipas Nenit 3(1)(c) të Ligjit Nr. 1102012
• Aplikim nga shoqëria përthithëse për njoftimin e miratimit të bashkimit ndërkufitar me përthithje Sipas Nenit 3(1)(c) të Ligjit Nr. 1102012
• Aplikim nga shoqëria përthithëse për njoftimin e miratimit të bashkimit ndërkufitar me përthithje Sipas Nenit 3(1)(c) të Ligjit Nr. 1102012
• Aplikim nga shoqëria përthithëse për publikimet e lidhura me bashkimin ndërkufitar me përthithje
• Aplikim nga shoqëria objekt për publikimet e lidhura me bashkimin ndërkufitar me përthithje Sipas Nenit 3(1)(c) të Ligjit Nr. 1102012